Liberalisaziun totala dl marcé dl'energia

Informaziun sön la fin dl marcé de majera sconanza y assunziun de nüs mëmbri

Ci ó pa dí stlüta dl marcé de Majera Sconanza (maggior tutela)?

Cina incö pó düc i cliënc ativé les utënzes:

• sön le marcé sconé, paian la löm y le gas al prisc regolé dal’Autorité;
• sön le marcé lëde, confrontan les tarifes y chirin fora le prisc conveniënt. 

Da jená 2021 (dites cun i recuisic dá dant) y spo definitivamënter da jená 2022 (por düc), gnará les tarifes eletriches y dl gas dl sorvisc de majera sconanza abolides, o plü avisa, an passará completamënter al marcé dl’energia lëde. Cun d’atres parores: i cliënc de majera sconanza ne podará nia plü paié la löm y le gas al prisc dl “sconé”, mo messará chirí fora n fornidú söl marcé lëde.

Ci sozedarál pa söl marcé dl'energia?
Sce n cliënt ne é anter l 1. de jená 2022 nia ciamó passé al marcé lëde, restl tecnicamënter sënza n fornidú. Te chësc caje prevëiga la lege le passaje automatich a n fornidú dl marcé lëde chirí fora tres na gara organisada. 

Assunziun de nüs mëmbri SEA

Por ti gní adincuntra a chi che messará se chirí dal 2021/22 inant n fornidú de strom söl marcé lëde, él da pert dla SEA gnü tut la dezijiun da tó indô sö mëmbri nüs, ma söl teritore de destribuziun dla SEA y ma por l'ann 2021.

Chisc á le gran vantaje da ciafé n prisc dl strom cotan plü bas y lapró ince n bun sorvisc.
Por plü informaziun Ves periun da to sö contat cun nosc ufize.

Informaziun sura la fin dl marcé de majera sconaza - ARERA